Vieiros

Vieiros de meu Perfil


Fwwwrando

RSS de Fwwwrando
Lunar Reconnaissance Orbiter

A lúa como nunca se vira antes

Unha nova sonda da NASA envía as súas primeiras imaxes da superficie do satélite terrestre, captadas con alta resolución.

Redacción - 13:45 06/07/2009

A sonda da NASA Lunar Reconnaissance Orbiter comezou a transmitir as primeiras imaxes dende a súa chegada á lúa, o 23 de xuño. As cámaras da nave están a obter fotografías de moi alta resolución da superficie lunar. As fotos inaugurais corresponden ás zonas do sur do Mare Nubium (mar das nubes).

O satélite está a construír un mapa fotográfico de toda a superficie da lúa. Estas primeiras fotografías están tomadas nunha área no luscofusco, o que esaxera os accidentes xeográficos. En realidade, amosan unha zona bastante chá, semellante a onde aterrara o Apolo 16 en 1972. Cada unha das imaxes amosa unha superficie de arredor de 1,4 quilómetros, cunha exactitude de tres metros.


5/5 (1 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: