Vieiros

Vieiros de meu Perfil


Edición xeral

RSS de Edición xeral
Emprego

Acusan a Xunta dun "gran engano" ao cifrar en catro mil e non en 50 mil os parados que esgotaron a súa prestación

Os socialistas negan que a contratación desas persoas supoña "un esforzo económico novo", xa que, segundo din, empregaranse partidas xa destinadas ao fomento do emprego.

Redacción - 09:00 24/06/2009
Traballadores do Grupo Antolín, que fabrica pezas para Citroën, maniféstándose contra un ERE, en outubro do ano pasado / CIG

Traballadores do Grupo Antolín, que fabrica pezas para Citroën, maniféstándose contra un ERE, en outubro do ano pasado / CIG

O voceiro parlamentario de Traballo do PSdeG, José Tomé, responsabilizou á Xunta dun "gran engano" en relación á contratación de catro mil parados que esgotaron xa o seu subsidio de desemprego, ao asegurar que ese colectivo está integrado por "50 mil persoas", e non a cifra defendida pola Consellaría de Traballo e Benestar.

Nun comunicado, o deputado socialista rebátelle ao departamento que dirixe Beatriz Mato, que a contratación desas catro mil persoas non supón "un esforzo económico novo", xa que, segundo o PSdeG, neste caso a Administración laboral limitouse" a realizar "un transvasamento de partidas que xa estaban destinadas ao fomento do emprego".

Neste sentido, Tomé pregúntalle ao Goberno sobre a situación na que fican o "resto" de parados que esgotaron as súas prestacións, e sobre os criterios que estabelecerá a Xunta para conceder as axudas. Ao seu xuízo, o investimento é "claramente insuficiente" para cubrir o colectivo de "longa duración", ao insistir en que esas catro mil persoas representan a un 8% dos parados galegos que xa non teñen dereito a subsidios.


5/5 (7 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: