Vieiros

Vieiros de meu Perfil


Máis Alá

Xestionado por Vieiros
RSS de Máis Alá
GALARDÓN DAS REDES ESCARLATA

O 'Vidal Bolaño' premia o Instituto de Estudos Miñoranos

Xosé Luís Méndez Ferrín foi o secretario dun xurado que salientou "o traballo intenso que o colectivo desenvolveu en favor da cultura galega".

Redacción - 11:45 03/06/2009

A sexta edición do Premio Vidal Bolaño, que cada ano entregan as Redes Escarlata, foi parar nesta ocasión para o Instituto de Estudos Miñoranos. O galardón busca o recoñecemento de persoas e institucións que se distinguen na loita pola emancipación de Galicia e das súas clases populares. O xurado, formado por Xurxo Martínez, Carme Hermida, Elvira Ribeiro, Xosé A. Laxe Martiñán e Méndez Ferrín, recoñeceu "o traballo intenso, fructífero que este colectivo desenvolveu nestes últimos tempos en favor da cultura galega a partir das súas investigacións interdisciplinares na vella Terra de Turonio".

O Instituto de Estudo Miñoranos constituíse en outubro de 1999. Entre os seus obxectivos está divulgar a cultura e, en xeral, todo o referente ao patrimonio natural, histórico, artístico, arquitectónico, etnográfico, lingüístico, etc. dos tres concellos do Val Miñor e fomentar a conservación e respecto polo patrimonio miñorano como un ben económico e cultural actual. Entre as actividades xa realizadas polo IEM cómpre salientar tertulias, a entrega do Premio de Xornalismo Nano Cambeiro e o de Poesía Victoriano Taibo, publicacións a reivindicación da Memoria Histórica, como por exemplo a organización da homenaxe aos nove veciños do Val Miñor asasinados en outubro de 1936 na coñecida como Volta dos Nove.


4.71/5 (14 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: