Vieiros

Ao redor de dúas mil persoas concentráronse este sábado ante a fábrica de Pascual de Outeiro de Rei para demandar ás autoridades "que se manteñan os 155 empregos directos que a empresa prevé despedir". Con este obxectivo, os traballadores percorreron parte da Nacional 6 até a entrada da planta, para manifestarse contra uns despedimentos que consideraron "inxustos" e "sen fundamentos".

O presidente do Comité de Empresa, Pedro Neira, esixiulle tanto ao Goberno central como á Xunta "que busquen unha solución" ao conflito. "Estamos abertos a negociar calquera saída que pase por manter os empregos", destacou, tras o que indicou que "aínda" non entraron en contacto coa dirección da empresa, "nin eles cos traballadores", puntualizou.