Vieiros

Vieiros de meu Perfil


Edición xeral

RSS de Edición xeral
Medidas contra a crise

A Xunta promoverá un plan específico de axudas á automoción

Feijoo adiantou que os principais axentes do sector coñecerán a vindeira semana o borrador do plan, que incluirá axudas directas á compra.

Redacción - 19:00 15/05/2009

O presidente da Xunta, Alberto Núñez Feijoo, anunciou este venres que o sector da automoción vai contar cun "plan concreto" de axudas a este ámbito produción que abranguerá dende a industria auxiliar até os concesionarios e a factoría de PSA Citroën de Vigo.

A vindeira semana coñecerán os "primeiros borradores" os axentes do sector. O luns Núñez Feijoo darallo a coñecer ao Cluster de Empresas de Automoción de Galicia (Ceaga). Así o anunciou o presidente do Goberno en Lugo, onde non deu máis detalles sobre a iniciativa, aínda que indicou que haberá tamén axudas directas á compra de automóbiles.

O obxectivo será, segundo Núñez Feijoo "manter o maior número de empregos no sector" e contribuír a que "as persoas que máis o precisan como autónomas e persoas de sectores en crise" a renovar a súa frota. Tamén engadiu que "non foi posíbel" o acordo entre o concelleiro de Economía e Industria e o ministro, polo que avogou por "facer un plan para o sector en Galiza".


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: