Vieiros

Vieiros de meu Perfil


Máis Alá

Xestionado por Vieiros
RSS de Máis Alá
MIGUEL BARROS, PRESIDENTE DE 'A NOSA TERRA'

"Hoxe no PP hai un revival, unha pretensión de volver á lingua do imperio"

Galaxia publicará nunhas semanas a súa tese de doutoramento, na que defende a idea de que Piñeiro desenvolveu unha estratexia política moi meditada. Entra aqui no especial Letras 09.

Marcos S. Pérez (texto) / Isabel G. Couso (vídeo) - 17:13 13/05/2009

A ruptura do galeguismo co 'principio das nacionalidades'
"Na política a importancia máxima téñena os grandes reformadores. A xente está obsesionada pola orixinalidade, pero no terreo da política a reforma, a revisión de principios existentes, e a carraxe para poñelos en práctica, ten o seu mérito. E Piñeiro tivo o carácter de acometer a revisión do principio das nacionalidades, propoñer que o galeguismo abandonase o corolario do principio das nacionalidades: que a cada nación corresponde un Estado. Ese é o cerne do seu pensamento político, e o que lle ten suposto inimizades moi fondas".

Crear a conciencia de Galiza
"Piñeiro consagrou o concepto de 'facer país'. Era moi consciente das nosas eivas colectivas, entre outras a falta de conciencia histórica, e o insuficiente desenvolvemento da conciencia do nós. El quería fundir o horizonte da espectativa persoal, do proxecto individual, da vida de cada quen, coa elaboración da conciencia colectiva. Ser, e ademais ser con outros. Piñeiro fai esa elaboración nun país que era á altura dos anos 50 un auténtico ermo intelectual e político".

Está o PP a rachar o consenso galeguista creado por Piñeiro?
"Piñeiro tiña un temperamento político privilexiado para a negociación, non era un orador de masas. Aínda que se di que fracasou na galeguización dos partidos, o feito real é que triunfou absolutamente. Hoxe ningún partido que participe nunha eleccións en Galicia se atreve a non comezar cun frontispicio no que figura antes de nada o seu convencemento galeguista. O que pasa é que Piñeiro labraba fondo. O convencemento galeguista do PP, que se ten que expresar nunha defensa do idioma, estivo ben representado por Fraga. Hoxe no PP hai un revival, unha pretensión de volver á lingua do imperio. Dende a responsabilidade do goberno, o propio PP vai verificar que ese camiño de desandar o andado non lle vai dar o éxito político. Creo que o presidente Feijoo xa o intúe".


3/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: