Vieiros

Vieiros de meu Perfil


Edición xeral

RSS de Edición xeral
No país máis afectado polo virus H1N1

Calderón pídelles aos mexicanos que permanezan nas súas casas entre o 1 e o 5 de maio

O presidente mexicano reapareceu para formular a súa petición, que coincide no tempo co peche dalgúns sectores da economía local, a causa da estendida gripe do porco.

Redacción - 08:00 30/04/2009

O presidente mexicano, Felipe Calderón, reapareceu esta cuarta feira para pedirlle aos cidadáns que permanezan nas súas vivendas entre o 1 e el 5 de maio, coincidindo co peche parcial dalgúns sectores da economía local, a causa do estendido virus H1N1, de orixe porcina.

Calderón, que non aparecía en público dende o pasado domingo, lanzou unha mensaxe televisada ao país, para confirmar a paralización parcial do mesmo durante cinco días, a partir da vindeira sexta feira. O secretario xeral de Saúde, José Ángel Córdova, xa informara previamente da suspensión de actividades na administración pública, así como de traballos e servizos non esenciais. Esta medida, porén, non vai afectar a sectores básicos como a alimentación, o sanitario, as telecomunicacións ou a recollida do lixo, por exemplo.

Esta cuarta feira, o goberno mexicano deu tamén unha cifra de persoas falecidas, polo de agora, por causa do virus H1N1, un número que chega a oito. Ademais, sóubose que aumentou o número de persoas contaxiadas a 99, incluídas as oito finadas, e que hai outras 17 mortes "sospeitosas", pero das que aínda non se constatou a causa. Estes feitos sitúan en 176 os posíbeis falecementos por causa da gripe do porco no país americano.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: