Vieiros

Vieiros de meu Perfil


Edición xeral

RSS de Edición xeral
Quéixanse de que lles "ocultan" os temas do Consello

O PPdeG denuncia que o bipartito "atrasa deliberadamente" o traspaso de poderes

Reproban que non se designen os interlocutores específicos nun "intento de forzar a adiantar os nomes dos futuros conselleiros".

Redacción / EP - 08:00 08/04/2009

O PPdeG denunciou que a segunda xuntanza desenvolvida entre os representantes 'populares' e dos representantes do Goberno bipartito para o traspaso de poderes foi saldada co convencemento propio de que o Executivo saínte "se empeña en atrasar" este labor. Nesta liña, os populares denunciaron que o Goberno saínte está a "atrasar deliberadamente o transvasamento de información ao equipo entrante", malia que pasaron 38 días dende a celebración das eleccións.

Nun comunicado de prensa, o PPdeG láiase, ademais, de que "en contra do que é habitual neste tipo de situacións, o bipartito négase a informar os populares sobre o contido dos asuntos que conformarán a orde do día do Consello de Goberno previsto para mañá".

Aínda que o deputado popular Pedro Puy, designado por Feijoo para participar nas xuntanzas, describiu as conversas como "cordiais e satisfactorias", a nota enviada polo seu partido contradi as súas afirmacións, xa que nela o PPdeG denuncia que o bipartito non lles ofreceu interlocutores para "coñecer o funcionamento e estado de situación do dispositivo antiincendios forestais da Xunta, a situación na que se atopa o plan do litoral ou a situación do sector lácteo". Nesta liña, sinalan que dende a Xunta só lles dixeron que as persoas que entren como novos conselleiros e conselleiras coñecerán, de primeira man, estes temas, falando cos conselleiros e conselleiras saíntes. Por isto, dende o PPdeG pensan que o bipartito "pretende condicionar a designación dos seus interlocutores", culpando o Goberno en funcións de estar a realizar un "intento paralelo" de forzalos "a adiantar os nomes dos seus futuros conselleiros".


1/5 (4 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: