Vieiros

Milleiros de estudantes e profesores manifestáronse na tarde da quinta feira en Barcelona, protestando, máis unha vez, contra a introdución da Universidade catalá no Espazo Europeo de Educación Superior (EEES), o chamado Proceso Boloña.

A manifestación, que quería ser pacífica, mudou axiña o seu percorrido inicial, desconcertando os Mossos d'Esquadra, que tiñan blindado o centro da cidade, após os enfrontamentos e as cargas que protagonizaron a pasada semana, e que lles ocasionaron máis dunha crítica, e a posíbel destitución do seu xefe, Rafael Olmos.

A organización da manifestación tiña, desta volta, un servizo de orde propio que se encargaba de disuadir os posíbeis grupos violentos. Na quinta tamén houbo manifestacións noutras cidades contra Boloña, e en solidariedade cos estudantes feridos, como Lleida ou Valencia.

A noticia na prensa catalá:

• Vilaweb (reportaxe con vídeo): Milers d'estudiants critiquen Bolonya i burlen els Mossos amb un recorregut alternatiu per Barcelona
• Avui: Els manifestants burlen els Mossos
• La Vanguardia: La manifestación anti-Bolonia esquiva a los Mossos 
• El Periódico: Protesta en paz pero el conflicto se enquista