Vieiros

Vieiros de meu Perfil


Edición xeral

RSS de Edición xeral
Propostas ás administracións

Os enxeñeiros propoñen o "céntimo forestal" en favor da xestión dos montes

O Colexio de Enxeñeiros de Montes aproveitou o Día da Árbore para suxerir unha taxa sobre os hidrocarburos que financie un fondo forestal.

Redacción - 13:30 22/03/2009

"Os montes son unha infraestrutura básica de país que non está abondo valorada social e politicamente, de da que tamén depende a cantidade e calidade da auga", expoñen desde o Colexio de Enxeñeiros de Montes, desde onde comparan o investimento en materia de auga co realizado estritamente no ámbito forestal, cualificando de "escaso" este último.

Ao fío, propoñen os enxeñeiros que se introduza o que bautizan como "céntimo forestal", unha cantidade que sairía das taxas dos combustíbeis destinada ao financiamento dun Fondo Forestal que "compense e fomente a xestión forestal sustentábel e a aumente a superficie forestal" no conxunto do Estado.

Por outro lado, critican que as administracións non aproveiten a actual conxuntura de crise para espremer as posibilidades que en materia de xeración de emprego e dinamización de áreas rurais ofrecen os bosques. "O investimento forestal en produción de servizos medioambientais (biodiversidade, paisaxes, lecer, protección ante a erosión, calidade de augas e mitigación da mudanza climática) xera xacementos de emprego rural que nestes momentos adquiren unha enorme importancia", destacan.


4,43/5 (7 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: