Vieiros

Vieiros de meu Perfil


Edición xeral

RSS de Edición xeral
Freo ao desenvolvemento dos máis pobres

A UE recéitalle desregulación "salvaxe" ao terceiro mundo mentres aquí repensa a estratexia

O informe dunha ONG británica advirte da hipocrisía das iniciativas impulsadas polas grandes potencias fronte ás economías máis débiles do planeta.

Redacción - 09:15 12/03/2009
Imaxe recente de Pascal Lamy, director xeral da Organización Mundial do Comercio (WTO)

Imaxe recente de Pascal Lamy, director xeral da Organización Mundial do Comercio (WTO)

No marco negociador da Organización Mundial do Comercio (WTO) ou o Acordo Xeral sobre Comercio de Servizos (GATS), as grandes potencias económicas, nomeadamente da Unión Europea, aproveitan para facer panca a prol da barra libre dos bancos occidentais nos país en desenvolvemento. Unha actitude que, paradoxalmente, coincide co debate aberto no contorno da UE sobre a necesidade de mecanismos regulamentadores que aten máis en curto a actividade do sector financeiro en crise.

Así o analizan desde o World Development Movement, colectivo británico que denuncia que a loita contra a pobreza nalgúns países vese dificultada por ese interese da grandes potencias por reproduciren noutras economías o mesmo tipo de erros que levaron ás autóctonas á crise actual. O estudo desta asociación repara en ducias de casos concretos, nos que países latinoamericanos, asiáticos ou africanos sufriron de esixencias dese tipo, sendo obrigados a levantar restricións legais en favor de entidades financeiras da Unión Europea.


3.67/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: