Vieiros

Vieiros de meu Perfil


Canal Verde

Xestionado pola Federación Ecoloxista Galega e Vieiros
RSS de Canal Verde
Este fin de semán realizarase un roteiro e abrirá o Punto de información ambiental

Verdegaia prosegue coas súas actividades de educación ambiental nas Ribeiras do Louro

Verdegaia inicia o vindeiro sábado 28 as súas actividades de educación ambiental de 2009 nas Ribeiras do Louro cun roteiro polo espazo natural e coa apertura do Punto de Información Ambiental das Ribeiras do Louro. Deste xeito, a asociación prosegue, xa por segundo ano consecutivo, coas súas actividades educativas nos valores ambientais das Ribeiras do Louro, desta volta con algunhas novidades respecto do ano anterior.

Verdegaia - 18:16 27/02/2009
Tags:

O roteiro será guiado por un membro da asociación e partirá ás 10:30 h. do sábado 28 do aparcadoiro da Lagoa de Orbenlle percorrendo un itinerario de tipo circular que comezará e rematará no mesmo punto tendo prevista a súa finalización en torno ás 13:30 h.

O Punto de información Ambiental das Ribeiras do Louro está situado na Lagoa de Orbenlle e abrirá de 10:30 h. a 13:30 h., contando tamén cun membro da asociación que informarará ós /ás visitantes dos valores naturais que alberga esta zona.

Ambalasdúas actividades realizaranse os derradeiros fins de semán de cada mes durante todo o 2009.

Ademais, este ano Verdegaia oferta a posibilidade ós colexios de realizar actividades con escolares nas Ribeiras para que os/as máis cativas coñezan os interesantes valores deste espazo natural. O prazo de inscripción para os colexios abrirase a partires do mes de marzo e as actividades serán gratuitas para os centros educativos.

Todas estas actividades contan cunha axuda da Consellería de medio Ambiente e Desenvolvemento Sostible.
Para máis informción: Jose Crespo (678 986 676).


5/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: