Vieiros

Os executivos de Caixa Galicia van cobrar un 30% menos ca en 2008. Esta foi unha das medidas estrelas presentadas este venres polo director xeral da entidade para facer fronte á crise. O que non quixo desvelar José Luís Méndez foi o seu salario. Logo de que un xornalista llo preguntase, o máximo responsábel da caixa limitouse a dicir que: “non sei exactamente e non me precupa, páganme ben” .

Méndez garantiu que a dirección da entidade quere garantir todos os postos de traballo a curto prazo: “Esta vai ser a tarefa de todos, ten que se a prioriade máxima”.

O director xeral prognosticou un recorte dos tipos de interese por parte do Banco Central Europeo. Considera que esta medida vai ser unha boa ferramenta para reactivar o crédito: “Se co Euríbor por debaixo do 2% non se activa a demanda, entón estariamos diante dunha situación moi preocupante”