Vieiros

Vieiros de meu Perfil


Canal Verde

Xestionado pola Federación Ecoloxista Galega e Vieiros
RSS de Canal Verde
Os veciños crean a plataforma furapresas

Mondoñedo ármase contras as minicentrais

Os habitantes da vila mariñá xuntáronse para loitar pola preservación dos ríos Figueiras e Tronceda, tentando evitar a construción de novos aproveitamentos hidroeléctricos.

Redacción - 18:30 13/02/2009
O fuciño do furapresas

O fuciño do furapresas

Esta quinta feira quedou constituída en Mondoñedo (A Mariña) a Plataforma Furapresas, creada polos veciños e veciñas da vila que se mobilizaron para evitar a construción de dúas novas minicentrais nos ríos Tronceda e Figueiras.

Na primeira xuntanza, subscribiron un seu manifesto (pode lerse aquí, en .pdf), e acordaron crear un grupo de traballo que ha planificar novas adhesións e tentar visibilizar, dende Mondoñedo a toda a Mariña, a magnitude dos danos que causan as minicentrais nos ríos. O que pretenden os e as mindonienses é artellar unha mobilización social firme e, ao tempo, manter un diálogo permanente coas administracións afectadas.

O furapresas é un mamífero (de nome científico, Galemys Pyrenaicus) que habita nalgúns ríos galegos. É unha especie endémica da Península Ibérica que se pode atopar nos augas ben conservadas e limpas, en hábitats que non foron alterados. O seu principal inimigo son os aproveitamentos hidroeléctricos, e a contaminación das augas. En galego tamén se coñece polo nome de Auganeira. A Plataforma escolleu este nome por tratarse dun animal que está a desaparecer dos ríos por causa da construción de minicentrais hidroeléctricas, mais, alén diso, segundo contan, "trátase dun nome moi axeitado ás nosas pretensións: a desaparición das presas, e deste xeito dar vida aos nosos ríos".


Ligazóns

4/5 (9 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: