Vieiros

Vieiros de meu Perfil


Eleccións Galiza 2009

RSS de Eleccións Galiza 2009
Carme Freire

“Hai que apoiar as granxas pequenas, que son as máis desvalidas”

A secretaria xeral do Sindicato Labrego Galego fala das medidas fundamentais a tratar durante a vindeira lexislatura.

Redacción - 14:00 13/02/2009
Carme Freire

Carme Freire

No especial electoral Galiza 2009 falamos desta volta con Carme Freire ao respecto das medidas que, na súa opinión, é necesario priorizar durante a vindeira lexislatura no sector leiteiro. Freire resume en seis eixos as iniciativas que considera urxentes:

1.Estabelecer o marco legal para que haxa unha estabilidade e deixen de desaparecer explotacións, principalmente as máis pequenas.

2.Aumentar o apoio ás explotacións sustentábeis.

3.Apostar forte polo consumo do leite producido en Galiza e que se consuma nos centros públicos que dependen da administración, como colexios ou hospitais.

4.Apoio decidido á transformación de produtos lácteos no país.

5.Establecemento dunha rede comercial alternativa ás multinacionais, na que se inclúa o pequeno comercio, os mercados ou as feiras.

6.Apoio ás pequenas granxas de leite, que evitan o desertismo, e son as que están máis desvalidas diante das grandes industrias. Hai que apostar pola continuidade destas entidades polo que supoñen a nivel de sustentabilidade, a nivel social e, principalmente, pola importancia medio ambiental que teñen.


5/5 (5 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: