Vieiros

Vieiros de meu Perfil


Edición xeral

RSS de Edición xeral
Empeoramento no mar

Protección Civil eleva o aviso por vento a alerta vermella

O vento pode chegar aos 150 quilómetros por hora, especialmente no norte e no noroeste do país.

Redacción - 18:00 23/01/2009

A Dirección Xeral de Protección Civil avisou de que o episodio de meteoroloxía adversa por vento en terra alcanzará na noite do sábado valores de nivel de alerta vermella por refachos que poderán chegar aos 150 quilómetros por hora.

O fenómeno será especialmente intenso no norte (A Mariña) e no noroeste (Costa da Morte, A Coruña, Ferrolterra), así como nas zonas montañosas orientais. No resto do país mantense o nivel de alerta laranxa con refachos de até 120 quilómetros por hora e a amarela por precipitacións.

Protección Civil indicou que tamén se prevé un empeoramento da situación meteorolóxica adversa no mar -nivel vermello-, onde as ondas chegarán aos oito metros de altura e o vento, de compoñente sueste, será de forza 10.


Ligazóns

5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: