Vieiros

Vieiros de meu Perfil


Euskadi

Edición xestionada por Vieiros
RSS de Euskadi
Un pouco antes das 11:00 horas desta cuarta feira

Estoura un coche bomba colocado por ETA na sede da EiTB en Bilbao

As instalacións foran desaloxadas tras recibir un aviso dunha persoa que chamaba en nome da organización. De momento non se avaliaron os danos materiais que puidese causar.

Redacción - 11:36 31/12/2008
Imaxe: Diario Vasco

Imaxe: Diario Vasco

Un coche bomba colocado por membros de ETA estoupou en Bilbao, minutos antes das 11:00 horas da mañá desta cuarta feira, ás portas da sede da televisión autonómica vasca, a EiTB. Estaba situado a uns 20 metros das instalacións, que só teñen un ano de antigüidade.

O predio xa fora desaloxado unha hora antes, tras recibir un aviso dun comunicante da organización, que anunciara a colocación do coche bomba. Até o de agora non se avaliaron os danos materiais producidos pola explosión; só se pode ver unha densa columna de fume saíndo da zona, mais a fachada, composta por grandes cristaleiras, viuse abaixo por completo.

A persoa que chamou, en nome de ETA, tamén revelou que nunha zona de monte da vila de Arrigorriaga, próxima á depuradora de auga de Venta Alta, atopábase, atado a unha árbore, un home que xa foi localizado e que podería ser o dono do vehículo empregado neste atentado, unha furgoneta Citroën Jumpi.

Ademais da sede da EiTB en Bilbao, tamén foi desaloxada a estación de autobuses de Termibús -a das liñas de longo percorrido- así como as instalacións doutros medios de comunicación na capital de Euskadi, como El Mundo, Deia, Antena 3, Expansión e Onda Cero, e a sede da Facenda Biscaíña.

De momento, a Ertzaintza mantén o cordón policial na contorna do predio e instou aos veciños da zona a refuxiarse nas súas vivendas, por precaución.

Para ampliar información:


5/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: