Vieiros

Vieiros de meu Perfil


Máis Alá

Xestionado por Vieiros
RSS de Máis Alá
VI Edición do galardón

"Réquiem polo Foucellas", o premio de xornalismo Johán Carballeira vén para Vieiros

A reportaxe asinada por Fernando Arrizado e publicada en Vieiros o pasado mes de outubro, foi merecedora do recoñecemento do xurado.

Redacción - 20:00 22/12/2008

"Unha boa persoa que se botou ao bravo". Así o contaba un dos veciños da parroquia de Cabrui ao respecto do máis lendario dos guerrilleiros antifranquistas do país. Así o publicaba Vieiros o pasado 22 de outubro, o día en que se cumprían 100 anos do nacemento nas Foucellas (Mesía), de Benigno Andrade García.

A reportaxe escrita por Fernado Arrizado Abuín, e con vídeo e fotos realizados por Isabel García Couso, foi merecedora da sexta edición do premio de Xornalismo Johán Carballeira. O xurado reuniuse este luns 22 de decembro para resolver o galardón. Tralo debate, o xurado integrado por Anxo Quintela, Rubén Bastón, Manuel Mosteiro e Xabier Framil, decidiu por unanimidade outorgarlle o premio a "Réquiem polo Foucellas".

"Valorouse a calidade na escrita e a contribución de datos pouco coñecidos sobre a figura do guerrilleiro antifranquista Benigno Andrade Foucellas. A obra, estruturada en tres artigos, utiliza axeitadamente as ferramentas do formato dixital no que foi publicado e posúe un alto poder narrativo", recolle a acta.

Poden ler aquí a reportaxe: Réquiem polo Foucellas.


4.76/5 (17 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: