Vieiros

Vieiros de meu Perfil


Edición xeral

RSS de Edición xeral
Nas tres universidades

Máis de 60 titulacións comezan a adaptarse ao Proceso de Boloña

Son 68 propostas de plans de estudos de títulos de grao adaptados ao Espazo Europeo de Educación Superior (EEES) que se aplicarán xa o vindeiro curso.

Redacción - 09:00 23/12/2008

Un total de 68 novas propostas de plans de estudos de títulos de grao adaptados ao Espazo Europeo de Educación Superior (EEES) comezan a súa tramitación para ser implantados o vindeiro curso no Sistema Universitario de Galiza (SUG).

Así llo comunicou esta segunda feira a conselleira de Educación e Ordenación Universitaria, Laura Sánchez Piñón, ao Consello Galego de Universidades. Ao respecto, explicou que se autorizou o envío ao Consello de Universidades para a súa verificación un total de 23 propostas de títulos de graos por parte da Universidade da Coruña; 24 da Universidade de Vigo e outros 21 da Universidade de Santiago de Compostela.

23 corresponden á Universidade da Coruña, 21 á de Compostela, e 24 á de Vigo
En concreto, A Coruña remitiu os graos en Administración e Dirección de Empresas; Bioloxía; Ciencias da Actividade Física e do Deporte; Comunicación Audiovisual; Dereito; Economía; Educación Infantil; Educación Primaria; Educación Social; Enfermería; Enxeñaría da Edificación; Enxeñaría en Deseño Industrial e Desenvolvemento do Produto; Español: estudios lingüísticos e literarios; Fisioterapia; Galego-Portugués: estudos lingüísticos e literarios; Humanidades; Información e Documentación; Inglés: estudos lingüísticos e literarios; Logopedia; Podoloxía; Química; Relacións Laborais e Recursos Humanos; e Turismo.

Pola súa parte, a USC remitiu os plans de estudos de Administración e Dirección de Empresas; Bioloxía; Comunicación Audiovisual; Economía; Enfermería; Enxeñaría Informática; Filoloxía Clásica; Filosofía; Física; Historia; Historia da Arte; Lingua e Literatura Españolas; Lingua e Literatura Galegas; Lingua e Literatura Inglesas; Linguas Modernas e as súas Literaturas; Óptica e Optometría; Psicoloxía; Química; Relacións Laborais e Recursos Humanos; Xeografía e Ordenación do Territorio; e Xornalismo.

E a Universidade de Vigo enviou para a súa verificación Administración e Dirección de Empresas; Bioloxía; Ciencia e Tecnoloxía dos Alimentos; Ciencias da Actividade Física e do Deporte; Ciencias do Mar; Comunicación Audiovisual; Dereito; Dirección e Xestión Pública; Economía; Educación Social; Enfermería; Enxeñaría Informática; Estudos de Galego e Español; Fisioterapia; Linguas Estranxeiras; Publicidade e Relacións Públicas; Química; Relacións Laborais e Recursos Humanos; Traballo Social; Tradución e Interpretación; Turismo; Xeografía e Historia; Mestre de Educación Infantil; e Mestre de Educación Primaria.

Segundo Educación, neste curso 2008-2009 estanse a impartir nas universidades galegas un total de cinco títulos de grao adaptados ao Espazo Europeo de Educación Superior: Terapia Ocupacional e Socioloxía, na Coruña; Ciencias Políticas e da Administración e grao en Matemáticas en Compostela; e Belas Artes en Vigo.


Ligazóns

0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Mapa cos países asinantes da Declaración de Boloña, na que se entre no EEES (en vermello onde foi rexeitado)
Mapa cos países asinantes da Declaración de Boloña, na que se entre no EEES (en vermello onde foi rexeitado)
Mapa do proceso progresivo de adaptación a Boloña en Europa (clique ámbalas dúas imaxes para ampliar)
Mapa do proceso progresivo de adaptación a Boloña en Europa (clique ámbalas dúas imaxes para ampliar)