Vieiros

Vieiros de meu Perfil


Edición xeral

RSS de Edición xeral
CONGRESO

O ferrolán Ignacio Fernández Toxo novo secretario xeral de CC.OO.

A súa elección augura unha viraxe cara a esquerda na política sindical da organización.

Redacción - 10:00 20/12/2008
Tags:

O sindicato Comisións Obreiras pode iniciar dende esta semana unha viraxe cara posicións políticas de esquerdas. Aínda que por unha escasa diferenza, 512 a 484, o ferrolán Ignacio Fernández Toxo derrotou até o de agora líder do CC.OO, José María Fidalgo. Toxo ten a responsabilidade de sacar dirixir durante os vindeiros catro anos unha executiva na que terá 22 representantes fronte aos 21 partidarios de Fidalgo.

Con 55 anos de idade, Toxo comezou a súa andaina sindical en Bazán, a onde chegou como aprendiz de electricista. En 1987, con só 32 anos, foi elixido secretario xeral da Federación do Metal de Comisións Obreiras, o sector máis combativo do sindicato. Entre 2004 e 2008 foi un dos pesos pesados da executiva de Fidalgo como secretario de Acción Sindical e Políticas Sectoriais.

O sindicalista ferrolán é o cuarto na historia de CC.OO, logo de Marcelino Camacho, Antonio Gutiérrez e José María Fidalgo.


4.33/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: