Vieiros

A Secretaría Xeral de Comunicación desvelou este venres que os actores Antonio Durán, Morris, e Eduardo Blanco, arxentino de orixe galega, serán os premiados co galardón Chano Piñeiro, que outorga a Xunta.

O presidente do Goberno, Emilio Pérez Touriño, presidirá a gala, que terá lugar o venres vindeiro no Teatro Principal de Ourense, e que consistirá nun acto audiovisual onde o cinema e a música "se entrelazarán para recuperar a relación do cinema galego e o arxentino".

Ademais, outorgaranse dous premios honoríficos a Jorge Coscia e Fernando Luis Iglesias Sánchez, Tacholas. Os premios Chano Piñeiro pretenden render tributo novamente ao cineasta de Forcarei, no ano en que a súa curtametraxe de maior percorrido, Mamasunción, cumpre 25 anos.