Vieiros

Gas Natural mercoulle a Caixanova o 4,72% de Unión Fenosa por 776 millóns de euros, segundo anunciou esta sexta feira a compañía catalá nunha nota remitida á Comisión Nacional do Mercado de Valores (CNMV).

A operación afecta a 43,1 millóns de accións da eléctrica presidida por Pedro López Jiménez, e o prezo medio da adquisición é de 18 euros por título, unha cifra algo máis baixa dos 18,3 euros aos que Gas Natural ten previsto lanzar a OPA polo100% de Fenosa.

A compañía catalá xa tiña pechado en xullo un acordo para a compra da participación do 45,3% de ACS en Unión Fenosa, e formalizou a adquisición do 9,9% desta participación. Tamén adquiriu a participación do 5,15% de Fenosa que estaba en mans da CAM. ademais de suscribir acordos de derivados con ING para conseguir outro 3%.