Vieiros

Vieiros de meu Perfil


Edición xeral

RSS de Edición xeral
QUEDA FIXADO NUN 2,50%

O BCE rebaixa un 0,75% os xuros

É a rebaixa máis importante da historia do Banco Central Europeo e pretende reactivar a economía na zona euro.

Redacción - 14:30 04/12/2008

O presidente do Banco Central Europeo (BCE), Jean Claude Trichet, anunciou este xoves a maior baixada de tipos de xuro na historia do indicador, un 0,75 que deixa o prezo dos cartos no 2,5%, o nivel no que estaban hai dous anos e medio.

Trichet explicou que se trata dunha redución necesaria pola recesión no contorno da Unión Europea. Ao tempo xustificou tamén a decisión no cálculo que o propio BCE realiza para a economía a medio prazo: un agoiro de contracción do PIB na UE de até o -1%. É a terceira redución realizada en apenas tres meses, cun recorte acumulado do 1,75. Así e todo, os respectivos indicadores do Reino Unido e dos Estados Unidos amosan cifras do 2 e o 1%, polo que serían de agardar novos movementos en breve tamén na eurozona.

A tímida reacción nas bolsas este xoves sería evidencia de que os mercados esperan novos xestos por parte da institución central. Un dos contextos onde xa se deixa sentir a evolución da caída dos tipos de xuro está sendo o Euribor, utilizado para fixar as hipotecas no contorno estatal, e que logo dun máximo o pasado mes de xullo, apertando os petos dos cidadáns cun 5,393%, cae agora até o 3,862%.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: