Vieiros

Vieiros de meu Perfil


Máis Alá

Xestionado por Vieiros
RSS de Máis Alá
ENTREGADOS POLO ALCALDE DE SADA

O Arquivo Nacional recibe cinco gravacións inéditas de Suárez Picallo

Abel López Soto entregoulle a Cultura os vinilos, que recollen discursos do político realizados entre 1953 e 1954 en Bós Aires.

Redacción - 18:20 07/11/2008

A conselleira de Cultura e Deporte, Ánxela Bugallo, recibiu hoxe da man do alcalde de Sada, Abel López, cinco gravacións inéditas que pasarán a formar parte dos fondos do Arquivo Nacional. As gravacións agora entregadas realizáronse en Bos Aires nos anos 1953 e 1954. Trátase de discursos e intervencións públicas que o intelectual galeguista realizou en diversos centros da capital arxentina. Entre outras, figura a súa intervención na Comisión Intersocietaria con motivo do 18º aniversario do Plebiscito de Estatuto de Galiza, ademais de discursos sobre o Consello de Galiza, a presenza de Castelao no exilio, o papel do Centro Galego de Bos Aires, e o labor desempeñado polo galeguismo no exilio.

Estas gravacións permaneceron até o de agora ocultas e nun estado de conservación precario. A súa recuperación, polo Centro Español de Sada e Contornos e o Concello de Sada, e o seu traslado ao Arquivo Nacional servirá para iniciar un proceso de restauración, que ten por obxectivo conservar nas mellores condicións estes documentos sonoros, e poder divulgalos á sociedade axeitadamente.


5/5 (7 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Ramón Suárez Picallo
Ramón Suárez Picallo
Enterro das cinzas do político en Sada o pasado 14 de outubro
Enterro das cinzas do político en Sada o pasado 14 de outubro