Vieiros

Vieiros de meu Perfil


Máis Alá

Xestionado por Vieiros
RSS de Máis Alá
DO 21 AO 27 DE SETEMBRO

Cuba será a protagonista na Semana Internacional de Cine de Autor de Lugo

Proxectaranse 47 películas, incluíndo unha retrospectiva do realizador cubano Tomás Gutiérrez Alea.

Redacción - 10:35 17/09/2008

A Semana de Cine chega á súa trixésima edición, e neste ano homenaxea ao xornal El Progreso e á presidenta do Clube Cultural Valle Inclán, Tonina Gay. Cuba será a protagonista, cunha atención especial á cinematografía recente do país americano, e máis en concreto a Tomás Gutiérrez Alea, de quen se proxectarán media ducia de filmes. Ás xa tradicionais seccións oficial e infantil, únese un ciclo de cinema con temáticas centradas na igualdade.

No ciclo de cinema cubano proxectaranse Apuntes sobre a historia do cine en Cuba, Froitas no café, Pompas de xabón, Zafiros- Loucura azul e O Cabaleiro de La Habana + O meu cabaleiro de París. E no dedicado a Gutiérrez Alea chegarán a Lugo Historias da revolución (1960), As doce cadeiras (1962), A morte dun burócrata (1966), Memorias do subdesenvolvemento (1968) e A última cea (1976).

Ademais, para conmemorar o trixésimo aniversario da Semana, nesta ocasión o catálogo amplía a súa extensión, incluíndo unha serie de artigos de Claudio Rodríguez Fer, Paco Martín ou Adolfo de Abel que agrupados baixo o título xenérico de 'Tempos pasados que sempre foron de cine' destacan a importancia histórica e social da sétima arte. Tamén se poderán ver tres exposicións, entre elas a que agrupa os cartaces que anunciaron as 30 edicións da Semana de Cine de Lugo desde o seu inicio no ano 1979 e que se intalará no Auditorio Municipal.

O Grupo Fotocinematográfico Fonmiñá nace en Lugo a mediados dos anos setenta polas inquedanzas duns mozos afeccionados ó mundo da imaxe. A 1ª Semana Internacional de cine de autor celebrouse en 1979, e dende entón converteuse na cita máis importante do ano para os afeccionados ao cinema na cidade.

Podes consultar a programación completa da Semana de Cine na súa páxina web.


5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: