Vieiros

Vieiros de meu Perfil


Edición xeral

RSS de Edición xeral
Crise financeira

EUA nacionaliza AIG, a maior aseguradora do mundo

A Reserva Federal rescata a entidade cun préstamo de 85 mil millóns de dólares para impedir que a súa creba arrastre todo o sistema económico.

Redacción - 09:15 17/09/2008
O goberno adquiriu o 79,9% das participacións

O goberno adquiriu o 79,9% das participacións

A Reserva Federal Estados Unidos autorizou este martes á Fed de Nova York a prestar até 85 mil millóns de dólares (60,045 millóns de euros) á aseguradora American International Group (AIG), a máis grande do mundo, para intentar liquidar a súa fráxil situación financeira.

O directorio do banco central estadounidense informou de que o préstamo garantido foi autorizado co total respaldo do Departamento do Tesouro "con termos e condicións deseñadas para protexer os intereses do goberno de Estados Unidos e dos contribuíntes".

"O propósito desta liña de liquidez é axudar a AIG a cumprir coas súas obrigas na medida en que vencen", agregou nun comunicado. O goberno estadounidense recibirá un 79,9 por cento de participación en AIG e ten o dereito a veto nos pagos de dividendos para accionistas comúns e preferentes.

A Fed indicou que nas actuais circunstancias, unha creba desordenada de AIG agregaría niveis significativos de fraxilidade aos mercados financeiros, incrementando os custos de créditos e debilitando a economía.

Ademais, considerou que a nacionalización era algo necesario, en contraste co do banco de investimento Lehman Brothers, xa que a aseguradora ten extensos vínculos con outras firmas e produtos financeiros, e porque os mercados estaban mellor preparados para a bancarrota do primeiro.


5/5 (3 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: