Vieiros

Vieiros de meu Perfil


Máis Alá

Xestionado por Vieiros
RSS de Máis Alá
CON 'O CANTO DOS PEIXES'

Marcos S. Calveiro gaña o premio Barco de Vapor

O xurado estivo formado por Xavier Senín, Manuel Figueiras e Isabel Soto.

Redacción - 18:20 15/09/2008

A literatura dirixida ao público xuvenil segue dándolle alegrías e premios a Marcos Sánchez Calveiro. O canto dos peixes fíxose coa edición 2008 do premio Barco de Vapor, outorgado pola editorial SM. O pasado ano Calveiro fixérase co premio Ala Delta con O carteiro de Bagdad, converténdose no primeiro autor que se facía con este galardón cunha obra escrita orixinalmente en galego.

Nesta ocasión, o xurado do premio Barco de Vapor, formado por Xavier Senín, catedrático de Bacherelato, Manuel Figueiras, especialista en Literatura Infantil e Xuvenil, e Isabel Soto, crítica literaria e tradutora, premiou a súa novela O canto dos peixes. Na acta, o xurado destacou que o autor "a través de numerosas referencias literarias reivindica a importancia do mar para a sociedade galega que, en ocasións, lle deu as costas".

Trátase dunha novela contemporánea que relata a amizase entre un vello mariño e un neno marxinal. É unha historia con matices fantásticos e cunha trama simbólica sobre un mar que morreu. Eles tentarán descubrir o esconxuro que poida poñer fin a esta maldición.


4,83/5 (6 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: