Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
II FESTA DOS XOGOS TRADICIONAIS DA TERRA DE MELIDE

Este San Roque a tirar croios a Melide

O concurso de tirapedras e a carreira de aros permitiron a mozos e vellos divertirse estes días na vila coruñesa.

Redacción - 18:20 22/08/2008
Xogos tradicionais en Melide

Xogos tradicionais en Melide

Estes días 21 e 22 de Agosto celebrouse en Melide a II Festa dos Xogos Tradicionais da Terra de Melide, dentro da que se integraron a I Carreira de Aros e o II Campionato de Tirapedras da Galiza Central. Os organizadores cualificaron de éxito o evento, especialmente o Campionato de Tirapedras, onde participaron 61 persoas.

Igual que no primeiro ano, fíxose coincidir esta reunión dos xogos tradicionais coa festa do San Roque para fomentar a asistencia de veciños e visitantes. A organización correu a cargo da Sociedade de Pesca Deportiva Ponte Mazaira e a Asociación Galega do Xogo Popular e Tradicional. A partir das 12 horas do mércores, espazos da vila como a praza das coles ou a praza do convento evocaron aqueles lugares nos que se practicaban os xogos cos que os nosos veciños enchían o seu tempo de lecer anos atrás.

Preservar o patrimonio lúdico

Desde hai anos, a Asociación Galega do Xogo Popular e Tradicional impulsa diferentes feiras e mostras coas que pretenden preservar estes xogos, parte do noso patrimonio lúdico. Mediante a interacción entre os máis vellos e os mozos, estas xuntanzas permiten a transmisión de xogos que forman parte da nosa cultura popular e corren o perigo de desaparecer se non fose por iniciativas como esta.

Estes días de festa na vila coruñesa constituíron só un aperitivo de cara á II Mostra de Xogos e Deportes Tradicionais, capital indiscutíbel do xogo tradicional en Galiza, que se celebrará na localidade luguesa de Santalla, o vindeiro día 30 de Agosto.


4,33/5 (6 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: