Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
CELÉBRASE O XOVES 21 ÁS 07:00 HORA GALEGA

Paz e Echávarri chegan primeiros á regata definitiva

Avantaxan en tres puntos aos australianos, oito aos arxentinos e dezaseis aos alemáns. Semella estar perto a primeira medalla galega en Beixín.

Redacción - 11:00 20/08/2008
Paz e Echávarri competindo

Paz e Echávarri competindo

Os galegos chegan á regata final como a parella con máis vitorias, empatados cos arxentinos que ocupan o terceiro lugar da clasificación xeral. A segunda posición é para os australianos Bundock e Ashby a tan só tres puntos de distancia. Os australianos, actuais líderes do ranking mundial, están baseando a súa actuación na regularidade, e aínda que só gañaron unha das 10 regatas disputadas foron sempre os principais rivais dos nosos regatistas.

Este xoves 21 celébrase a "Medal Race"
O sistema de puntuación da Clase Tornado consiste en ir sumando tantos puntos como a posición ocupada en cada unha das regatas. Ao final das dez regatas súmanse as puntuacións acumuladas, e cada parella ten dereito a descartar o seu peor resultado. Este é o punto no que nos atopamos agora, a falta só da "Medal Race", onde as puntuacións son dobres. Así as cousas, Antón Paz e Fernando Echávarri chegan á regata definitiva con serias posibilidades de acadar unha medalla, e incluso o primeiro ouro galego destes Xogos Olímpicos.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: