Vieiros

Vieiros de meu Perfil


Edición xeral

RSS de Edición xeral
VALORA POSITIVAMENTE O DATO DE XULLO

Fernández Antonio mantén o seu optimismo e espera un IPC do 4% a final de ano

O conselleiro de Economía do Goberno cre que se o petróleo non aumenta máis, a inflación en Galiza manterase en niveis "razoábeis".

Redacción/ EP - 17:14 13/08/2008

O conselleiro de Economía e Facenda, José Ramón Fernández Antonio, valorou hoxe o "bo dato mensual" en Galicia do Índice de Prezos ao Consumo (IPC) en xullo, cunha redución de sete décimas con respecto ao mes anterior, e atribuíu o "mal dato" da inflación rexistrada no que vai de ano (5,6%) ao compoñente enerxético.

O titular de Economía manifestou que a inflación interanual está "moi vinculada" ao compoñente enerxético, atribuíndo a este factor un 2,4 por cento do dato global no que vai de ano, xa que o pasado mes de xullo o prezo do barril alcanzou o seu máximo histórico con 145 dólares.

Neste sentido, Fernández Antonio explicou que en xullo de 2007 o prezo medio do barril de cru situouse nos 76 dólares, mentres que no mesmo mes de 2008 alcanzou os 133 dólares de media.

O conselleiro estimou que "se se mantén" o prezo actual do barril de petróleo, a inflación na Comunidade galega a final de ano situarase nun 4 por cento. "É o razoábel", aseverou, á vez que matizou que "sería bo" ese dato para Galiza.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: