Vieiros

Vieiros de meu Perfil


Máis Alá

Xestionado por Vieiros
RSS de Máis Alá
A POLO GHIT

Dez días para escoller a canción do verán 2008

Poderase votar até o 13 de agosto. A canción con máis apoios levará o premio do público, mentres que o xurado fará igualmente a súa escolla.

Redacción - 11:30 03/08/2008

Esta é a aliñación de luxo que presentan Vieiros e o A Polo Ghit 2008: Chuliboy (Projecto Mourente), O reguetón de Maruxa (Joselito), Quero ver como te ris (Medomeda), Himno da crocha (Jabón Blue) e Vin en caiuco (Pulpiño Viascón), Arroz, da Banda Potemkin; Licor café, de Skándalo GZ; Planeta 19, de Boy Elliott & The Plastic Bags; Punteirolo pola escuadra, de Trapos sucios; Os dous amigos, de Roger de Flor; e Quente, de Sínefres. Son as once finalistas da terceira edición do concurso, que escollerá a canción do verán en Galiza.

Dende este sábado ao mediodía os lectores xa están votando polas súas cancións favoritas, e en pouco máis de 24 horas xa se rexistraron máis de 1200 votos. As votacións rematarán o 13 de agosto ás 0.00 horas e tres días despois, o sábado 16, o programa Extrarradio da Radio Galega e Vieiros darán a coñecer o nome do grupo ou solista gañador do A Polo Ghit deste ano.

A canción con máis apoios levará o premio do público, que se entrega por vez primeira, mentres que o xurado fará igualmente a súa escolla. O tema seleccionado polo xurado representará a Galiza no Liet Lavlut, o festival europeo da canción en linguas minorizadas, que se celebrará o 18 de outubro en Luleå, capital da Laponia sueca, organizada pola comunidade Sámi, gañadora do anterior certame.


1/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: