Vieiros

En sesión de sobremesa pode asistirse este domingo á proxección de 'Malangatana', de Karin Ribero; 'Para ti que só assim podes ver', de Rui F. Torres; 'A república dos soños', de Isabel Martínesz; 'Trapicheiras', de Diana Gonçalves; e 'Só concertinas', de Víctor Coyote.

A 'Gala de encerramento' no auditorio de Goián, servirá de homenaxe aos vencedores da primeira edición de Filminho e convidou os asistentes ao espectáculo "inter disciplinar" 'Pelerrisco', realizado polo grupo 'Nikouola'; así como á entrega do segundo premio de 'Conta onde vives', coa presenza de varios membros da asociación cultural Ponte nas ondas.

Fórum de Creadores
O Filminho acolleu tamén o seu Fórum de Creadores co que se pretende estabelecer unha plataforma para a creación nas terras do Miño transfronteirizo. Apesares de ser unha zona con innumerábeis recursos e atractivos son moi poucos os proxectos audiovisuais que se veñen a filmar no Miño. Por iso, o Filminho vai a convidar a dous proxectos a realizarse durante o próximo ano entre os candidatos que solicitaron a inscrición.