Vieiros

Vieiros de meu Perfil


Edición xeral

RSS de Edición xeral
Reforma do financiamento autonómico

Feijoo di que o do financiamento "é máis un problema interno do PSOE ca entre comunidades"

O líder do PPdeG subliña que o avellentamento e a dispersión deben ser criterios "innegociábeis" para o país.

Redacción - 09:30 23/07/2008

"Galiza parte con desvantaxe por unha irresponsabilidade da Xunta, e máis concretamente do PSOE, porque desde Galiza avalouse e asinouse en branco o Estatuto de Autonomía de Cataluña, que non é o que lle beneficia á inmensa maioría dos españois e non é o que lle interesa a Galiza", analizou este martes o presidente do PPdeG.

Alberto Núñez Feijoo considera que o PSOE debera sumarse "ao proxecto do PP" e "responderlle ao PSC que está a descompensar o equilibrio entre comunidades". Nese sentido, opinou Feijoo que ao respecto deste debate aparece "máis un problema interno do PSOE que un problema entre comunidades autónomas".

Por outra parte, o PPdeG coincide na reivindicación avalada por PSdeG e BNG ao respecto da introdución dos criterios de dispersión e avellentamento, "porque en Galiza hai máis mulleres maiores de 65 anos que rapaces de entre 0 e 4 anos", indicou. "Galiza non pode saír do Consello de Política Fiscal e Financeira con menos porcentaxe de financiamento da que entrou", dixo Feijoo.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: