Vieiros

Vieiros de meu Perfil


Máis Alá

Xestionado por Vieiros
RSS de Máis Alá
MOSTRATE, NO CONDADO DO 23 AO 26 DE XULLO

Ribadavia si, teatro afeccionado tamén

A mostra de teatro amador que se celebra en Fornelos da Ribeira (Salvaterra), chega á súa sétima edición.

Redacción - 12:30 22/07/2008

Coincidindo coa celebración da Mostra Internacional de Teatro de Ribadavia, na comarca do Condado hai anos que se vén organizando Móstrate, Mostra de Teatro Afeccionado. De dimensións e obxectivos abondo máis modestos, durante catro días a carballeira de Fornelos da Ribeira, en Salvaterra, recibe as representacións de compañías de teatro amador de todo o país, atraendo a atención dos interesados nas artes escénicas das comarcas veciñas.

O pasado ano, por exemplo, as obras tiveron unha asistencia media de 300 espectadores, o que garante a súa visibilidade social, malia á cativa atención dos medios de comunicación e ao limitado do seu orzamento. Do mesmo xeito, malia a estas dificultades, nalgunha das edicións anteriores chegou a organizarse un obradoiro de teatro para nenos. Todas as obras comezan ás dez e media da noite, con entrada de balde.

Programa de representacións:
Mércores 23, 22.30
Tarantela Teatro (Vigo): Vostede ten ollos de muller fatal

Xoves 24, 22.30
Aturuxo de Melpómene (Narón): Cometa, cometa, ...

Venres 25, 22.30
Sal-Monela Teatro (A Coruña): A cea dos idiotas

Sábado 26, 22.30
Avresno Teatro (Moaña): Historias íntimas do paraíso


4/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: