Vieiros

Vieiros de meu Perfil


Edición xeral

RSS de Edición xeral
Consello da Xunta

Galiza aposta polo aproveitamento enerxético da biomasa forestal

É pioneira no Estado en regulamentar esta actividade. O Plan enerxético prevé a instalación dun máximo de 80 MW deica 2012.

Redacción - 09:30 27/06/2008
A prevención de incendios é outra das vantaxes

A prevención de incendios é outra das vantaxes

O Consello da Xunta aprobou esta quinta feira o decreto polo que se regulamenta o procedemento de autorización das instalacións de produción eléctrica a partir da valorización enerxética da biomasa forestal primaria.

Con esta normativa, desenvolvida pola Consellaría de Innovación e Industria, Galiza convértese en pioneira do Estado neste eido, xa que até o de agora era a lexislación española a que estabelecía as condicións.

O decreto, que conta co consenso co sector, nace co obxectivo fundamental de ordenar a implantación destas instalacións de forma que se acaden os obxectivos de produción marcados dentro do Plan enerxético galego, que prevé instalar un máximo de 80 MW deste tipo deica 2012.

A posta en valor da biomasa forestal primaria busca reducir a dependencia enerxética do exterior poñendo en valor o residuo forestal existente no monte galego, así como contribuír a unha correcta política forestal e de prevención de lumes.


1/5 (2 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: