Vieiros

Vieiros de meu Perfil


Fwwwrando

RSS de Fwwwrando
XORNADAS DE PROGRAMACIÓN WEB

Ourense contará co primeiro curso oficial de postgrao sobre Software Libre

O director da Escola Superior de Enxeñaría Informática tamén anunciou que o prazo de matrícula está aberto.

Redacción - 12:50 24/06/2008

Ourense contará a partir do vindeiro curso académico co primeiro curso de postgrao oficial de Software Libre de Galiza. O prazo de matrícula para o Máster en Consultoría de Software Libre xa está aberto, segundo anunciou o director da Escola Superior de Enxeñaría Informática, Enrique Barreiro, na inauguración das segundas xornadas de programación web con Software Libre que se desenvolven na cidade ourensá.

Barreiro explicou que o curso impartirano profesores procedentes de empresas, de centros tecnolóxios e de administracións públicas, cun perfil "moi profesionalizado". Tamén anunciou a próxima apertura no campus ourensán da Oficina de Software Libre da Universidade de Vigo.

Pola súa banda, o vicepresidente da asociación de Software Libre de Ourense (OUSLI), José Ramón Méndez, explicou que o máster está dirixido a calquera titulado universitario de nivel técnico ou superior, aínda que especialmente destinado a licenciados en Enxeñaría Informática.

As xornadas de programación web con Software Libre, nas que participan 30 persoas, e que se desenvolverán durante tres días, pódense seguir en directo a través da rede usando o software VLC no enderezo mms://193.146.209.50/directo, grazas á infraestrutura da Universidade de Vigo.


5/5 (1 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: