Vieiros

Vieiros de meu Perfil


Edición xeral

RSS de Edición xeral
Concurso eólico da Xunta

Dous mil megavatios a repartir entre 75 grupos empresariais que cobizan dez veces máis

Estas son, polo de agora, as solicitudes recibidas polo Goberno Galego, para optar ás concesións eólicas. Os megavatios que finalmente se van adxudicar son só 2.325.

Redacción - 18:30 23/06/2008
Muíños de vento / Flickr: tdlemon

Muíños de vento / Flickr: tdlemon

A Xunta recibiu, polo de agora, un total de 75 solicitudes, por parte doutros tantos grupos empresariais, para optar ao concurso eólico. Isto supón máis de 20 mil megavatios (case dez veces máis do que se han adxudicar, 2.325), segundo informacións facilitadas esta segunda feira polo conselleiro de Innovación e Industria, Fernando Blanco (BNG).

Blanco tamén revelou que, aínda que a convocatoria xa está pechada, seguen chegando solicitudes, e que neste concurso participan aínda "moitas máis empresas" do que 75, posto que entre os proxectos recibidos hai casos que van de compañías que concorren en solitario, até agrupacións de "máis de 10 empresas".

En canto ao tempo que vai estar aberto o concurso, Blanco adiantou que a documentación ha estar analizada "en tres meses e medio ou catro meses", con vistas á adxudicación dos 2.325 megavatios. Blanco volveu reiterar que non se lle vai dar prioridade aos proxectos con capital galego, senón aos mellores. Estes, segundo o conselleiro nacionalistas, han crear tres mil postos de traballo que axudarán, segundo dixo Fernando Blanco, "a que os galegos vivan mellor".


1,8/5 (5 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: