Vieiros

Vieiros de meu Perfil


Fwwwrando

RSS de Fwwwrando
ENERXÍA

Conseguen crear cru a partir de restos vexetais

A empresa estadounidense LS9 emprega bacterias xeneticamente modificadas para tal fin.

Redacción - 19:20 16/06/2008
Diagrama do proceso / LS9.com

Diagrama do proceso / LS9.com

Unha empresa estadounidense acaba de anunciar que pode producir petróleo a partir de residuos agrícolas mediante o uso de bacterias xeneticamente modificadas. O director da compañía, chamada LS9 e estabelecida en Silicon Valley, é Greg Pal, de 33 anos.

A peculiaridade do proceso é que as bacterias, en lugar de produciren etanol, excretan algo moi semellante ao cru, que sería non só renovábel, senón que tería, como resultado, unha redución do dióxido de carbono. Ademais, o 'petróleo 2.0' non obrigaría a reestruturar a economía mundial para pasar a outra fonte de enerxía, como o hidróxeno.

Segundo informa The Times Online, o sistema, que podería conseguir un barril de cru por 50 dólares, tamén ten as súas desavantaxes: precisa de moito espazo. Así, por exemplo, para fornecer toda a enerxía que consomen os EUA nun ano, cumpriría a superficie equivalente a toda a cidade de Chicago.

Polo de pronto, Pal xa convenceu para a súa iniciativa o veterano do petróleo Bob Walsh, como presidente da compañía, e recibiu 20 millóns de dólares de investidores como Vinod Khosla, co-fundador de Sun Microsystems, para poñer en marcha o seu laboratorio.


5/5 (3 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: