Vieiros

Vieiros de meu Perfil


Edición xeral

RSS de Edición xeral
Arredor de 70 dólares, non os 139 actuais

O barril de petróleo custaría a metade sen a especulación, di a OPEP

"Non hai problemas de oferta e demanda", declarou o presidente da organización, o alxerino Chakib Khelil.

Redacción - 11:10 10/06/2008

"Non hai problemas de oferta e demanda. O prezo do barril sería de 70 dólares se non houbese unha burbulla causada pola especulación", afirmou este luns o presidente en exercicio da Organización de Países Exportadores de Petróleo (OPEP), o alxerino Chakib Khelil.

O mandatario explicou que a oferta de cru supera actualmente á demanda no mercado mundial, onde o barril alcanzou o venres pasado o prezo histórico de 139 dólares na bolsa de Nova York, e agregou que a esta situación contribúen a debilidade do dólar, pola crise en EUA, e as "tensións xeopolíticas", en referencia ao conflito entre Israel e Irán polo programa nuclear deste último país.

Polo menos 40 dos case 140 dólares que custa o barril de petróleo son por mor da depreciación do dólar estadounidense, dixo Khelil, que recordou que a OPEP mantén a xuntanza prevista para o vindeiro 9 de setembro en Viena coa finalidade de avaliar o mercado e tomar decisións para estabilizalo.


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: