Vieiros

Vieiros de meu Perfil


Edición xeral

RSS de Edición xeral
Nota conxunta

Os bispos galegos convidan as familias a retirar os cativos das aulas de Educación para a Cidadanía

Cualificándoa de obstáculo para a "convivencia e paz", piden a retirada da materia e animan a pais e nais á "obxección de conciencia".

Redacción - 09:00 05/06/2008
Capa dun libro da materia

Capa dun libro da materia

"Tal e como foron regulamentados os seus contidos, a Educación para a Cidadanía (EpC), impón desde instancias políticas unha concepción do home que contradí o ideario propio das escolas católicas, ideario no que atopa expresión o dereito primordial á liberdade de educación, como defendeu o Tribunal Constitucional", expón un dos argumentados dos bispos galegos.

Así o explican nun documento feito público esta semana e asinado conxuntamente por Xulián Barrio Barrio, arcebispo de Santiago de Compostela; Xosé Diéguez Reboredo, bispo de Tui-Vigo; Luís Quinteiro Fiuza, bispo de Ourense; Manuel Sánchez Monge, bispo de Mondoñedo-Ferrol e Afonso Carrasco Rouco, bispo de Lugo.

Os bispos convidan o Goberno a "paralizar" a introdución desta materia nas aulas "tal e como está programada" na actualidade, solicitando que en último caso se permita a adaptación "en contidos, obxectivos e criterios de avaliación ao ideario dos centros". De paso, insisten en que "os pais teñen, entre outros medios lexítimos, o da obxección de conciencia ao ensino da materia EpC" para "defender o dereito que lles asiste de determinar a educación moral dos seus fillos". A maiores, os representantes da Igrexa católica en Galiza afirman que o Estado "non pode impoñer lexitimamente unha formación moral da conciencia dos alumnos á marxe da libre elección dos pais" tal e como critican que "pretende a materia de EpC e os decretos que a desenvolven".


2,33/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: