Vieiros

Vieiros de meu Perfil


Edición xeral

RSS de Edición xeral
A punto a xornada do 6 de xuño

Identidade e territorio: a ponte da eurorrexión

Chega á súa XIV edición a xornada Ponte nas Ondas, que une a rapaces galegos e portugueses na defensa do patrimonio cultural común.

Redacción - 12:45 23/05/2008

"Penso que o que sucede sobre o territorio é un texto; os pobos, as sociedades, escriben sobre o territorio. (...) ... e vexo tamén o territorio como ese libro en que ás veces se escribe ben e moitas veces mal". Con esta reflexión de Manuel Rivas, presentan desde Ponte nas Ondas o que este ano será o centro de interese da xornada escolar do 6 de xuño e cara á que xa levan tempo traballando numerosas escolas de Galiza e Portugal.

Deste xeito, a reflexión sobre a identidade e o territorio será nesta ocasión o obxectivo fundamental. "Nesta Fisterra atlántica existe un modo particular de ver e de interpretar o mundo que ao longo do tempo produciu unhas prácticas sociais que deron lugar a expresións dun patrimonio común compartido por Galiza e o Norte de Portugal", expoñen os promotores do proxecto.
A XIV edición da Xornada de Comunicación Ponte nas Ondas e mais a VII Mostra da Oralidade Galego-Portuguesa, foron presentadas este venres no Museo do Verbum-Casa das Palabras, en Vigo.

O convite da Unesco ao patrimonio galego-portugués
A xornada servirá ademais para seguir pulando pola inclusión das Tradicións Orais Galego-Portuguesas na futura lista indicativa da Unesco. Recordámoslles que, logo dunha primeira tentativa, a propia Unesco felicitou a calidade da iniciativa e animou a Ponte nas Ondas a recabaren todos os apoios necesarios e redeseñar a proposta para presentárena de novo en canto se abrise o proceso.


4,67/5 (9 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: