Vieiros

Vieiros de meu Perfil


Canal Verde

Xestionado pola Federación Ecoloxista Galega e Vieiros
RSS de Canal Verde
Empresa Picusa, do grupo Cortizo

O Ulla énchese de fuel tras a rotura dun deposito nunha fábrica de Padrón

Os veciños critican a "improvisación" de Medio Ambiente e afirman que dende hai unha semana xa se vían pequenos restos de chapapote.

Redacción - 12:21 27/04/2008
O Ulla ao seu paso por Pontecesures / Flickr: tracX

O Ulla ao seu paso por Pontecesures / Flickr: tracX

O fuel invadiu o río Ulla este sábado, impregnando de chapapote ambas as dúas marxes durante varios quilómetros, despois de que o depósito da fábrica de coiros Picusa, en Padrón, sufrise unha rotura.

Restos do vertido chegaron deica a ponte de Catoira, segundo informaron os veciños. Mesmo mariñeiros de Pontecesures cederon as súas embarcacións para facilitar os labores de limpeza de grupos de cidadáns voluntarios con luvas de plástico e botas de auga, enchoupadas de fuel.

O delegado provincial de Medio Ambiente, Xoán Francisco Froján, visitou a zona afectada, e segundo informa o Diario de Arousa, a última hora da tarde do sábado comunicou que a situación estaba controlada. Fontes da consellaría, tras efectuar as primeiras investigacións sobre o terreo, foron as que indicaron que o vertido proviña dun colector da fábrica pertencente ao grupo Cortizo.

"Improvisación" da Consellaría de Medio Ambiente

Os veciños xa alertaran hai unha semana de que estaban a aparecer restos de chapapote, mais non foi deica este sábado, cando o fluxo era máis abundante, cando os técnicos de Medio Ambiente detectaron a orixe do vertido. É por isto que critican a "improvisación" do departamento que dirixe o socialista Manuel Vázquez.

Un dispositivo composto por axentes de Medio Ambiente encargarase de vixiar o tramo afectado do Ulla e unha embarcación tomará mostras no río durante toda esta semana, informou Froján.


4,33/5 (6 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: