Vieiros

Vieiros de meu Perfil


Canal Verde

Xestionado pola Federación Ecoloxista Galega e Vieiros
RSS de Canal Verde
DÍA DA TERRA

A rede únese contra o cambio climático

Os ecoloxistas do país tentan concienciar a poboación para frear a emisión de gases de efecto invernadoiro con actos curiosos como unha "pingüinada".

Redacción - 14:10 22/04/2008
A Terra celebra hoxe o seu día / NASA

A Terra celebra hoxe o seu día / NASA

O Día internacional da Terra, que se conmemora en todo o mundo o 22 de abril, tamén un reflexo na rede galega. Aínda que non hai ningunha campaña organizada, nin movementos comparábeis aos que fai, por exemplo, Google, con logotipos especiais no buscador e mais no YouTube, os principais colectivos ecoloxistas non queren que a xornada pase desapercibida.

A presidenta de Adega, Adela Figueroa, publica na súa web un artigo que ten como trasfondo o lema deste ano: "Fronte ao cambio climático, menos CO2", que pretende mobilizar toda a poboación mundial para a redución da emisión de gases que provocan o efecto invernadoiro, o quecemento global e o coñecido cambio no clima.

Pola súa banda, Verdegaia aproveitou a véspera da conmemoración para presentar un informe sobre as emisións de gases de efecto invernadoiro nos últimos anos no país.

Amigos da Terra desenvolve o martes accións reinvindicativas mediante a campaña S.O.S. Clima. Ademais de instalar unha mesa informativa na praza do Toural, en Compostela, a partir das cinco da tarde, desenvolverá unha curiosa "pingüinada" dúas horas despois: unha manifestación de persoas disfrazadas de pingüíns que escenificarán un mitin político.


5/5 (2 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: