Vieiros

O campus da Universidade de Vigo tense convertido nos últimos anos en escenario habitual de concertos. Polo Teatro do Campus teñen pasado bandas e artistas de peso internacional, como Micah P Hinson, ou os mallorquíns Sexy Sadie, que ofreceron en Vigo o seu penúltimo concerto antes de separarse. Agora chega o ciclo Sonora 08, que durante dous días ofrecerá catro concertos de pop.

Abrirá o ciclo este mércores ás cinco e media da tarde o granadino Sr. Chinarro, Antonio Luque, que está presentando o seu novo disco, Ronroneando. A seguir, será o turno dos suecos Radio Dept., banda sueca que nos últimos anos veus movendo entre o shoegaze e o indie, e cuxo álbumo de debut, Lesser Matters, foi considerado pola revista NME o noveno mellor disco do ano 2004.

O xoves ás cinco e media abrirán os concertos Nadadora, que seguen presentando o seu segundo disco, Hablaremos del miedo. E despois actuarán os londinenses Lucky Soul, unha banda formada en 2005 con influencias de grupos como Saint Etienne.