Vieiros

As reaccións dos sindicatos logo de que este mércores resultase ferido un traballador no Irixo (Ourense) non se fixeron esperar. Para as centrais obreiras non hai dúbida de que a alta sinistralidade ten que ver coas “présas” que lle entraron ao executivo español para rematar canto antes as obras do Tren de Alta Velocidade. O secretario comarcal da CIG en Ourense, Etelvino Blanco, denunciou que hai operarios que están traballando até 60 horas á semana, práctica que vincula directamente coa alta taxa de accidentes que se están a dar nas obras.

Antonio Pérez Jácome, de CC.OO, recomendoulle aos políticos que “estuden o tempo que van levar as obras” e non pensen só en “inaugurar rápido as obras”. Manuel Golpe, da UXT, subliñou que as présas comezaron hai un ano. Golpe pide que se respecten os tempos porque se “está a poñer en perido a integridade física dos traballadores”.