Vieiros

A carreira musical de Rodrigo Leão comezou nos anos 80 como membro fundador de proxectos musicais como Madredeus e Sétima Legião, pero nos anos noventa lanzou os seus primeiros álbumes en solitario. Ave Mundi Luminar, Theatrum e Alma Mater foros moi ben recibidos pola crítica e o público portugués, mais foi Paixón, un disco recompilatorio gravado en directo, o que o colocou no ceo da música lusa, cun éxito rotundo en vendas e premios. En 2004 publicaou Cinema, disco que foi cualificado como "a banda sonora das nosas vidas" e que contou coa colaboración de Rosa Passos, Beth Gibbons (Portishead), Helena Noguerra, Sónia Tavares (The Gift) e Ryuichi Sakamoto.

Rodrigo Leão leva un ano presentando en directo o seu novo espectáculo xunto ao Cinema Ensemble. Neste recital, baseado no seu novo álbum O Mundo (1993-2006), Rodrigo fai unha retrospectiva da súa carreira en solitario, incorporando tamén os temas que creou para Sétima Legião ou Madredeus.

O concerto comezará ás oito e media no Centro Cultural Caixanova de Vigo, e ten un prezo de dez euros.

[youtube]CLrvlXgZbz4|320|260[youtube/]Voltar (con Ana Vieira)