Vieiros

Vieiros de meu Perfil


Máis Alá

Xestionado por Vieiros
RSS de Máis Alá
SALÓ DO CÓMIC

En Barcelona debúxase en galego

O pasado ano a banda deseñada galega triunfou no salón, levando tres importantes premios. Precisamente os tres premiados terán exposicións de seu en 2008.

Redacción - 12:54 11/02/2008

A 26ª edición do Saló do Cómic de Barcelona, que se celebrará entre o 17 e o 20 de abril, terá como principal atractivo a presenza de Jean Giraud, Moebius. Outro dos protagonistas do salón será Max, que en 2007 levou tres premios (mellor obra, mellor debuxo e mellor guión) polo seu Bardín el superrealista, e que por suposto tamén contará con exposición de seu.

En 2007 David Rubín gañou o premio Josep Toutain ao autor revelación, e nesta ocasión presentará a antoloxía Teteras y dragones: un paseo por el mundo de David Rubín, que permitirá coñecer a evolución do traballo deste autor, aínda moi novo pero que xa acadou importantes recoñecementos. O pasado ano Miguelanxo Prado tamén foi protagonista, pois obtivo o Gran Premio del Saló, o máis importante dos concedidos, en recoñecemento a toda unha traxectoria profesional. Nesta ocasión Prado presenta a exposición de ilustracións do seu filme De Profundis.

Finalmente, o colectivo Polaqia levou o pasado o premio ao mellor fanzine por Barsowia. Este importante recoñecemento permitiralles estar presentes no Saló cunha mostra na que exporán unha selección de orixinais publicados na revista. Precisamente a ese galardón de mellor fanzine do ano opta nesta edición a revista Retranca, que iniciou a súa particular campaña electoral para recibir os votos que lle permitan levar o premio.


4,75/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Último número de Barsowia
Último número de Barsowia
Cartaz do Saló
Cartaz do Saló
Unha das obras de David Rubín
Unha das obras de David Rubín