Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Despois da polémica repetición

Valledor sae reelixido presidente da Fegapi, con máis protestas de Alfredo Bea

No domingo a Federación Galega de Piragüismo repetía as eleccións internas. Valledor superou por tres votos a Bea, que volveu denunciar trampas no sistema de voto.

Redacción - 12:00 04/02/2008
Logo da Fegapi

Logo da Fegapi

Modesto Valledor volveu saír o domingo escollido como presidente da Federación Galega de Piragüismo, sacando catro votos máis que o seu rival, o palista Alfredo Bea.

Valledor foi escollido na repetición parcial das eleccións, á que fora obrigada a Fegapi polo Comité Galego de Xustiza Deportiva (CGXD) e a Dirección Xeral para o Deporte, despois de que o outro candidato a presidente, Alfredo Bea, denunciase "supostas irregularidades" (falouse daquela dun presunto falseamento de licenzas que permitiu participar a clubes que non tiñan dereito, e deixar fóra a outros que apoiban a Bea), nas primeiras votacións, en decembro de 2007.

O domingo os membros da Fegapi xuntáronse no Colexio Maior de Fonseca, en Compostela, e repetiron, de xeito parcial, as eleccións á súa xunta directiva, mais, desta volta, Valledor volveu gañar, co apoio de 42 votos, polos 38 que conseguiu Bea. As cousas cambiaron abondo dende as últimas eleccións, desenvolvidas en marzo do ano pasado, nas que Valledor conseguía 64 votos, e Bea só 8.

Ao terminar o reconto Valledor salientou que "foi unha vitoria para o piragüismo galego", aínda que admitiu que fora moi escasa.

"Mexan por nós e temos que dicir que chove"
Bea, pola contra, non as tiña todas consigo, e aínda que non se pronunciou directamente sobre unha futura impugnación, lembrou que as irregularidades seguen a medrar no seo da Fegapi ("agora mexan por nós e temos que dicir que Chove", dixo) posto que clubes coma o Breogán, con 150 deportistas nin sequera tiveron dereito ao voto, e que si votaron, pola contra, clubes con menos de 5 licenzas. Tamén lembrou que os catro clubes que non puideron votar (Poio, Breogán, Catoira e Tui) apoiaban a súa candidatura, e neles, ademais, están os mellores piragüistas do estado, e teñen un cadro conformado polo 60% de palistas galegos.


5/5 (3 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Alfredo Bea e David Mascato, coas camisolas da selección española
Alfredo Bea e David Mascato, coas camisolas da selección española
Modesto Valledor, á dereita, co presidente da federación española, Santiago Sanmamed (esquerda)
Modesto Valledor, á dereita, co presidente da federación española, Santiago Sanmamed (esquerda)