Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Solicitada por Alfredo Bea, candidato á presidencia

Xa hai data para a repetición parcial das eleccións da federación de piragüismo

Este sábado volverán votar unha parte dos membros da federación, na repetición parcial do proceso electoral, que se prolongará até primeiros de febreiro.

Redacción - 14:06 14/01/2008
Logo da federación

Logo da federación

A finais do decembro pasado, a Federación Galega de Piragüismo, dirixida por Modesto Valledor, desenvolvía as súas eleccións internas. Naquela altura o palista meco Alfredo Bea (quen, ademais, se presentaba ao cargo de presidente), denunciaba "presuntas irregularidades no proceso electoral".

O caso chegaba ao Comité Galego de Xustiza Deportiva (CGXD) que, co apoio da Dirección Xeral para o Deporte, obrigaba á repetición parcial das eleccións.

6 persoas que non puideron votar e 13 papeletas anuladas
Segundo Bea, naquelas primeiras eleccións houbo "seis electores que non puideron exercer o seu dereito a voto", e ademais, "anuláronse 13 papeletas" que segundo o palista do Grove, eran favorábeis á súa candidatura. Bea sinalaba, naquela altura, que Modesto Valledor era o responsábel de convocar novas eleccións "canto antes", para que se repetise o proceso "e para que sexa democrático".

A nova loita "en igualdade de condicións", segundo Bea, xa ten data. Este sábado 19 de xaneiro comezará o proceso electoral, coa constitución da mesa e a votación aos membros da asemblea. O día 22 convocaranse eleccións a presidente e Comisión Delegada. O 1 de febreiro, despois dun proceso de reclamacións, proclamarase a selección definitiva de persoas electas a estes cargos. O nome do presidente electo coñecerase definitivamente o vindeiro 7 de febreiro.


Documentos

0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: