Vieiros

Vieiros de meu Perfil


Edición xeral

RSS de Edición xeral
Comité económico dos 'populares'

Feijoo: "Nun mes o presidente presentará unha emenda ao seu propio presuposto"

O presidente do PPdeG pídelle a Touriño que "deixe de frivolizar coa economía" e que "non anuncie incrementos de investimento dez veces maior do que ten o orzamento".

Redacción - 18:40 24/01/2008

O presidente do PPdeG, Alberto Núñez Feijoo, afirmou este xoves que "en menos dun mes, o presidente da Xunta presentará unha emenda a totalidade ao seu propio presuposto". Ademais, pediulle a Emilio Pérez Touriño que "deixe de frivolizar coa economía" e que "non anuncie incrementos de investimento dez veces maior do que ten o presuposto o orzamento".

Feijoo realizou estas declaracións tras a xuntanza que o Comité de Dirección mantivo este xoves en Compostela para tratar temas económicos. "Touriño anuncia incrementos de investimentos do 35% e no orzamento da Xunta só soben o 3%, polo que o investimento é insuficiente", dixo.

Nos dous anos e medio do bipartito, consideran dende o PPdeG, existe unha desaceleración no investimento en infraestruturas. O presidente dos populares sinalou que "os datos son datos e non son opinións e, nos últimos orzamentos da Xunta do PPdeG, o incremento do capítulo VI de Política Territorial foi do 28,5% e a partir de entón, a taxa de incremento vai baixando, até acadar un valor do 3,3% en 2008, precisamente cando máis hai que impulsar os investimentos públicos".


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: